أمس كلّش زغيـر اخدودي ورديات
چنـت رابي بدلال وحزن ما عنـدي
شجاني الـيوم عمري امراكض ويـاي
ودمعاتي بصـلافه اتفـوت من خـدّي
كبرت وشعري شيّب وآنه ابن عشـرين
وتجاعيدي أورثتهن من وجه جـــدّي
صـرت ابن بطوطه بس افتــر وادور
وارد بس التـراب بچفّي مـن كـدّي
شسولف ياهمــوم وخصمي كل الكون
أذا أقرب شخــص باوعته هم ضـدّي
انعمت عين البخت مايـدري وين يروح
مايندل مكـاني وما وصــل حـدّي
يرب انته الوحيــد التــدري بالحال
إعــطف وبرحمتـك شوفني اشعندي
أريد الـروح عنــدك تسكن اهنـاك
لأن مگطوع دربي امنـين ما أبــدي
گضــه عمري ابحسافة وألف ياويـل
وخـايف من اجيك اتگلي هااا عـبدي ؟