أغرب قصه حب ..!!

أغرب قصه حب ..!!
|
♥
|
♥

محمد : أفتكر إننا آخر إتنين ما مرتبطين في العالم

دلآل : آي .. كل صحباتي مرتبطات إلا أنا

و كل واحد فينا عايش من غير حبيب

محمد : أقوليك حاجة ؟! تعالي نلعب لعبة

دلآل : لعبة شنو ؟!

محمد : تعالي نرتبط لمدة 30 يوم , أبقى حبيبك فيهم و تبقي حبيبتي

لحدي ما الـ 30 يوم يخلصو

دلآل : مممم , فكره حلوة و أنا كده كده فاضية طول الفترة الجاية
|
♥
|
♥

اليوم 1 >>

محمد و دلآل قعدو مع بعض في كافتريا راقية و إتونسو كتير مع بعض

اليوم 4 >>

مشو السينما سوا و حضرو فيلم رومانسي .. و عاشو وقت مميز

و محمد مسك يد دلآل لأول مرة

اليوم 12 >>

محمد عزم دلآل للملاهي و دخلو بيت الأشبآح

دلآل كانت خايفة شديد و حاولت تمسك يد محمد

بس غلطت و مسكت يد واحد تاني و قعدو هي و محمد يضحكو على الموقف ده

اليوم 14 >>

كل البقى يشوفهم بيقول إنهم أجمل حبيبين

و بيدعو ليهم الله إنهم ما يحرمهم من بعض .. و كانو أحلى إتنين في الدنيا

اليوم 20 >>

دلآل عزمت محمد يمشو البحر و ركبو مركب

و هم في وسط النيل دلآل همست بكلام لمحمد لكن هو ما سمعو

اليوم 28 >>

ركبو الباص و بسبب الطريق المتعرج الباص عمل حادثة بسيطة ..

و دلآل ضربت راسها و نـآمت على كتف محمد عشان إتجرحت و راسها واجعها

اليوم 29 >>

الساعه 11:27 قبل منتصف النهآر

فاضل 33 دقيقة و الـ 30 يوم يخلصو

محمد و دلآل قاعدين في نفس المكان الكانو فيهو

من 30 يوم لما إتفقو يلعبوا اللعبة دي

محمد : أنا عطشان يا دلآل , عايزة تشربي حاجة ؟!

دلآل : شكراً تسلم لي .. جيب أي حاجة من ذوقك

محمد : حاضر .. ثوآني و أرجع ما حتأخر

مرت 20 دقيقة و محمد ما رجع

لحدي ما دلآل إتفاجأت بواحد غريب بيتكلم معها

الغريب : إنتي صاحبة الشاب الكان قاعد هنـآ ؟!

دلآل : آي , ليه في شنو ؟!

الغريب : سواق عربية ضربو و هو بعدي الظلط

هو هسي في الإسعآف ماشين على المستشفى و و الله حالتو صعبة شديد

الساعه 11:57

الدكتور طلع من غرفة الطوارىء و كان في يدو قزازة بارد و جواب لدلآل

الدكتور : نحنا لقينا الحاجات دي معـآهو

دلآل قرأت الجواب وكان بيقول :
|
♥

" دلآل .. الجواب ده أنا كتبتو من كم يوم ,

أنا لقيتك إنسانة رقيقة و حلوة شديد ,

و لقيت نفسي بحبك بجد من غير ما أحس ,

إبتسامتك الحبيتها عمري ما حنساها ,

و كل حاجة حصلت بينا في لعبة الـ 30 يوم خلتني أعشقك ..

و قبل ما الـ 30 يوم يخلصو أتمنى إنك تكونى

حبيبتى بجد لآخر يوم فى عمري .. بحبك يا دلآل .. "
|
♥

دلآل رمـت الجواب يدهـا و دخلت غرفة الطواريء

و صرخت في محمد و عيونها كلها دموع :

" محمد .. ما عايزاك تموت .. أنا بحبك ,

متزكر يوم كنا في المركب ؟!

و أنا همست بكلام إنت ما سمعتو ..

أنا كنت بتمنى إننا نفضل مع بعض للأبد

و نكون مستمرين في اللعبة لآخر يوم في حياتنا ..

أرجوك ما تخليني يامحمد , حرام عليك ما تعمل فيني كده "
|
♥

في اللحظة دي الساعة 12 دقت

و قلب محمد إتوقف .. مات محمد .. و كانو 30 يوم زي ما إتفقو بالظبط .
|
♥

< النهاية >
|
♥

♥ الخلاصة ♥

أعطي كل المشاعر لمن تحب , إجعله يشعر أنه أغلى من الدنيا ,

لأنه عندما يرحل ستحزن عليه أشد الحزن ,

و سيكون وقت المشاعر قد فات أوانه ..

إذا كنت أغضبته إذهب إليه و أرضيه ..

فلو كان لا يحبك ما كان غضب أو إنجرح منك ..

إحتويه داخلك و إحفظه بقلبك قبل أن يصبح ذكرى ♥

مجـــــــــــهولـــــــــــــــ