]تانيتك تجي وحضرت كومه

تانيتك تجي وحضرت كومه عيون
وعلى طول الدرب خليتهن عثره
خاطر تعثر انت وتوكع اعله الكاع
وتلمك عيوني وتحضه في نظره
وبقى طاري اللقاء ابالي جاي يدور
ها هسه يجي ها شنو المأخره
وشفتك جيت بس شلون لمن جيت
نقص عندك مشاعر لهفه مندثره
برودك اكد استحواذ غيري وياك
واذا مو هيج كلي انطيني اي فكره
ما مفتهم منك كلشي حد الأن
تكرهني تحبني تريد هل عشره
حيرني سكوتك حيرة المسجون
الخله ايده اعله خده ويحسب بشهره
وضح مبتغاتك احجي كول شبيك؟؟؟
لتخليني ادور بيدي عالحســــره
جمره اعليك كلبي وانت كلك مــاي
تعال احظني فدوه اطفيلي هالجمره

رووووووووووعة عاشت ايدك