أنة الضحيت لجلك أجمل سنين
يالجنت بمحبتي وكَلبي تـتسلــــــــة !!
مافد يوم خنتك وارحلت ومشيت
شبسرعــه بعتني وعني تتخلــــــــة
لتتوقع الزمَك !! وابجي اكَلك عود
كافي انهان منك واجرع الذلـــــة
كل شويه اقشمر نفسي هسه يتوب
واروح اعتذر ممنونه الك متوسلة
تدوس اهواي ميهمك بشر حساس
تحجي اللي تريده بجمرك تشعلــة
شنو الحصلته منك غير هم ونوح ؟؟!
وك بجسمي صفن يمكن الف علة
دورلك ولف واختبره يبقه ويــاك ؟!
طبع البيك ماأتوقعة يحملـــــــــــــة
نسيت افضالي كلهة !! وذاكة سهر الليل ؟؟!
على اجتافي اصعدت واعليَـة تتعلــــة ؟؟!!
حسافة انطيت روحي ومرفضتلك شي
صرت هسه رخيصه بعينك وسهلــــــة
جنت مخدوعه اكَولن ملَك موش انســــان
واحلف نبع صافي وأصـــفة من دجلــــــة
شنو متريد احبك ؟! كَللي يبن النـاس
فهمني يغالي احجيـــــهة بالعـــــدلة !
ماأنصدم عادي ادمَـــغِت كفخـــات
طك بطكَـ دكَللي العشكَـ داملـــــة
وحق ربي ادري حبي جان الك ميدوم
ومصيره بيوم ينسد وانته التقفلــــه
قبل لتروح اوكَف خل اخبرك شي
يعجبني ويه كَلبك أحجي واثبتلـــه
دمع عيني نشف واتحَجَرِت يهواي
وبعد هيهات افكر شخصك ارجعله
عساك ابخير دومك وانته عني ابعيد
وعسه الفرحه تجيك ودنيتك تحلـــه
وعسه الفرحه تجيك ودنيتك تحلـــه
الأحد أكتوبر 19, 2014 11:25 am من طرف 
اليومية
