اشد بحبال وصلك

اشد بحبال وصلك خلصته وياك ....وبس انطيك ظهري الكاك بيه اتفل
اشأقل من الاحبك حرمته وياي ...بوكت عندي الاحبك بس عليك تحل
تفز بيك الجروح بجفك السجين ...اجذبهن واكول اعيونهن تغزل
ومثل نزلت الخرزه التلظم بالخيط .. هيج انت على جرحي بخنجرك تنزل
عن حب مو جهل ذليت روحي وياك ..وكلت عزت نفس ذل العشك موذل
تجيني وتعتذر واغفر واكولن تاب ..تشبكني وخناجر بالظهر تشتل
ردت ساعة لوداعك بالوكت عزيت ..حته الموت يمهل وانت ماتمهل
ظل ماشفت عندك مثل باقي الناس ..ردت اثبت وجودك هسه ردتك ظل
رجل بفراش موتي ورجل بالتابوت ..والجنازه كادت للنعش تحمل
واشوف كبال عيني اعيونك الوكحات ..وحده اتصب دمع والثانيه اتهلهل