عليمن لك يكلبي

عليمن لك يكلبي وليش مهمـــــــــوم
مايستاهلك هذا الراح عوفــــــــــــــــه
شوف شكد غشيم ووفيت ويـــــــــــا
وهسه شلون عافك يلا شوفـــــــــــه
جان شكد يجيني واحس ملهــــــــوف
... والروح بمحبته جانت صدك ملهوفـــــه
معروف اليحب يندل طريقه منيــــــــن
وانت انسيت كلبي وياك معروفــــــــه
تذكر من اجيت اتكلي اسمك ويــــــن
دكيت بكلبي اسمك انه كل احروفـــه
وتذكر من اجيت وكتلي خايف حيـــل
ضميتك انابصدري وراحت منك الخوفه
بس هاي صارت كل من تحبه يــــروح
والماتحبه صدك تصعد على اجتوفـــه
لأن حبك مارضه يعوفك ابدفد يــــــوم
تكطع ماي حبك ليش انت على جروفه