مشتآكلك للشآعر المتألق أيهآب المآلكي

مشتاكَلك والليل وحشه
ودمعتي التنزل ثكيله
وصوتها من تطيح عالي
وحتى محد يدري بيها
أركض أتلكاها بيدي
من تمر أعلى بالي
أنته وين ؟, وأني نص موعد بدونك
مدري ياهو يسد مكانك
وحشة أفراكَكَ جبيره
بكَد عشرتك نار تكبر
تحرك بروح أمنيات
ويعلى دخان الضنون
وطيره مذبوح أحس بي يختنك
كل هذا وأني ., باقي أدور
بلكت ألكالي حلم مامحتركَ
بلكت ألكالي وعد مانفتركَ
لو جمره منه حتى أشوفك
وأصبر وتنشف دمعتي
وترجع بروحي الحياة
أنته موجود بحياتي تروح , تبقى
حتى بعيوني من أدور
ألكه تارك ذكريات
جفي بعده باقي أثر عزفك عليه
ناس صح تشوفه لكن محد يلمسه بأديه
من طفولة موعدي وياك الكَمر
ماخذ عليك
بيدك يضل والى أن تمشي عني
بكل هدوء أتركه غافي
تبوسه وتكَله حبيبي
نايم ونومك عوافي
وتمشي عني وأرجع بلياك أتاني
والسما تغيم وداع
وتمطر بحضني الثواني
وأبرد واسأل صفنتي
يمتى أشوفك .........؟؟؟؟
يمتى أخلي الساعه تفتر من جديد
شلون أخلص ليلي وحدي
وأني أحس أنته بعيد
جفني ساكت كَوه يمي
خاف أموت , يبجي سكته
حتى ماأحس بالدموع
يدري ضل بالي عليك
يمتى أشوفك ؟؟ تتعب عيوني
من أركز بإنتظارك
واعدتني !! وكتلي أعود
وكلشي رد : خوفي , حسرتي ,
الحيره , الضنون , العذاب
كلها ردت ألا أنـــــتـــــــه !!
شما أصد لدربك ألكـــــه
الصورة تتحول ضباب
شما ركضت لنهرك أرجع
مكتشف نهرك ســراب
منو اليندلك طريق ؟؟ الليل
لا مايدري بيك
هواي كم مره سألته ؟؟
ورفض ينطيني جـــواب

!!

» بليآك ماأعيش للشآعر المتألق أيهآب المآلكي
» مآردت أحبك حآولت للشآعر المتألق أيهآب المآلكي