بليآك ماأعيش للشآعر المتألق أيهآب المآلكي

بلياك ماأعيش أليكَلك عشت
بعيوني أحلفك منه تاخذ حذر

أني أطمئن يمك وأذا تبتعد
من كلشي يمي أني أحس بخطر

االليل يدري شكد أحبك لأن ,,
وياك عيني تستلذ بالسهر

أذبل لحد ما أرتوي بشوفتك
جن سنبل الروح وعشرتك نهر

بلياك كلشي يصير مابي طعم
ماميز بين الورد والصخر

تمطر ترافه وأني ااخضر غزل
وبكَاع جفي قلمي يطرح ثمر

لو راد ياخذني القدر كلي أله
بس لا بيني وبينك يمر قدر

علمت روحي ,, من زغر شوفتك
ردتك صدك تبقى نقش عالحجر

تشتاك ألك عيني أذا سافرت
مثل النوارس من تحن للبحر

أني شسوي بالنظر لو رحت
من تمشي كَلي حتى أضمه النظر

مادور بحبك خساره وربح
ما أفكر بكلبي ربح لو خسر

كل أللي يهمني أني ( أحبك فقط )
حب لونه صافي أبـيض من الكَمر

طير أنته من مر بسما دنيتي
وكر على روحي وعليها أستقر

يسكت غصن خلكَي كَبل لا تجي
ينتظرك الريح التحرك الشجر

بلياك كلبي يصير بلا نفع
شيفيد كَلي الغيم أللي بلا مطر

عيني الـ أشوفك بيهه أحس تختلف
مو نفس عيني البيهه أشوف البشر

مرات أحجي صورتك ع الورق
من أخلط أحساسي ويه لون الصور

أمشي بحياتي وأمعن بخطوتك
حتى من أتيهك عالأقل الكَه أثر

أني من أعوفك جدمي يمشي
بثكل ثكل الجدام الماله من السفر

ومن تمشي عني الكون أحس
يختنكَ والعالم بكبره أحس بي زغر

بس لمن تردلي أرد أكتشف
كلشي بمكانه ((( وأنـتـه حبك كبــر )))

» مشتآكلك للشآعر المتألق أيهآب المآلكي
» مآردت أحبك حآولت للشآعر المتألق أيهآب المآلكي